ashq aaNkhoN meN kab nahiN aatA
lahu aatA hai jab nahiN aatA
[ashq = tears] [lahu = blood]
hosh jaatA nahiN rahA lekin
jab woh aatA hai tab nahiN aatA
dil se ruKHsat hui koi KHwahish
griyaa kuchh be-sabab nahiN aatA
[ruKHsat = depart] [KHwahish = desire]
[griyaa = weeping] [be-sabab = without reason]
'ishq ka HausalA hai shart warna baat
ka kis ko Dhab nahiN aatA
[Hausala = capacity] [Dhab = way/style]
ji meN kyA-kyA hai apne ai hamdam
har suKHan taa ba-lab nahiN aatA
[suKHan = speech] [taa = but]
[ba-lab = till the lips]
-Meer