idhar se abr uThkar jo gayaa hai
hamaarI KHaak par bhI ro gayaa hai
[abr = cloud]
mas'aib aur the par dil kaa jaanaa
ajab ik saanihaa saa ho gayaa hai
[mas'aib = difficulties, troubles, travails]
[saanihaa = accident]
muqaamir-KHaanaa-e-aafaaq wo hai
ke jo aayaa hai yaaN kuchh kho gayaa hai
[muqaamir-KHaanaa = gambling house]
[aafaaq = world]
sarhaane "Meer" ke aahistaa bolo
abhI Tuk rote-rote so gayaa hai
-Meer